Google Website Translator Gadget

2011-03-24

للناس اللى عايزة تدخل البورصة

المفروض انك بتروح تتفق مع شركات سمسرة  وتعمل معاهم عقد زى
1-هيرميس
2-بايونير
3-الجذور

دول من اشهر الشركات بس هما كتير جدا ممكن تشوفوا اللينك دا
https://www.mcsd.com.eg/mcdr/arabic/company.aspx?kindid=1

شركة السمسرة يتعملك الكود

الكود دا زى الرقم القومى كدا بدل ما يتقال فى البورصة مثلا ان مرجان عمل تريد يتقال الكود كذا عمل تريد

والكود  كل اللى مطلوب فيه هو صورة البطاقة الشخصية بس

بكدا تكون خلصت الخطوة الاولى والاهم



المرحلة التانية انك بتحط الفلوس بأى طريقة بقى
ممكن

1-عن طريق تحويل بنكى
2-تروح تحط الفلوس فى فرع شركة السمسرة
3-ممكن كمان تكلم الشركة يبعتولاك مندوب
باختصار زى ما بتتفق مع شركة السمسرة



اخر مرحلة بقى هى اصعب مرحلة لانها مرحلة الشغل

اللى بتبدأ فيها بقى المكسب والخسارة

ولاننا معظمنا ما يعرفش حاجة عن البورصة فلازم نتفرج على برامج تحليل اقتصادى على التلفزيون

وكدا

ودا بروفايل خالى
http://www.facebook.com/masking

هو محلل اقتصادى اللى هيفكر يدخل بجد يبقى يبعتله اد ويستشيره ويقوله انا تبع مورجان بس
:D :D

يا رب اكون ما نسيتش حاجة

اه صح يستحسن وانت بتمضى العقد مع اى شركة وساطة ما تمضيش اى وصل على بياض لانه بيعمل مشاكل بعد كدا

http://msrbaladna.blogspot.com/2011/03/blog-post_24.html



2011-03-14

عن عصافير امن الدولة نتحدث

فكرت ان انا اكتب عن الموضوع ده من زمان بس صراحة شفت ان ما يصحش وما ينفعش ان اكتب عن حد وهو في حالة ضعف عشان مبقاش كأني بستغل ضعفه ده.
لكن اما اتفاجأ إن ناس من اتباع الحزب الوطني ومن يطلق عليهم بداخل الكليات (عصافير امن الدولة)  بيحاول يعيدوا تنظيم انفسهم ويطلقوا علي نفسهم ابطال الثورة
لأ وايه يقولوا علي ابطال من اللي نزلوا انهم كدابين وما نزلوش مظاهرات وان بعضهم بيزيط في الزيطة
اما اشوف كل دا بيحصل قدام عيني واسكت
اعتقد ساعتها ان مقولة الساكت عن الحق شيطان اخرص هتنطبق عليا وساعتها برضه رفضي لظلم النظام السابق واستبداده هيكون جه علي فشوش وهبقي بضيع ارواح الشهداء اللي استشهدوا وبضيع تعبي وتعب اصحابي وزمايلي من الناس اللي حاربت في سبيل الحرية
وانا صراحة حزين اني اضطريت اكتب عن الموضوع ده كان نفسي بجد احتفظ لنفسي بحاجات كتير اعرفها عن اتحاد الطلبة ومعرفهاش لحد لكن للاسف مضطر
معلش انا طولت شوية بس ندخل بقي في الموضوع هحكي عن بعض ما رأيته بعيني السنة اللي دخلت فيها اتحاد الطلبة واللي كانت اسوأ سنة في حياتي
نبدأ مثلا بمسلسل الانتخابات
اللي بيحصل كالآتي :-
 فجأة وبدون اي اعلانات يبدأ اعضاء اتحاد الطلبة بتاع السنة اللي فاتت ف تجميع اسماء لطلبة للدخول في الانتخابات بدون اي اعلانات
او احيانا عشان ماحدش يكسفهم يعلقوا الورقة يوم كدا ويشيلوها بعدها قال ايه عملوا اللي عليهم .
لحد كدا كويس طيب وبعدين بيكون مطلوب من كل دفعة عدد 12 عضو في الاتحاد  --( هم تقريبا دلوقت بقوا 14 مش متأكد من دي) -- المهم انهم بيجمعوا اكبر عدد ممكن من الطلبة عشان يعملوا الانتخابات الوهمية
حد تاه مني ؟
نكمل بعد تجميع الاسماء تحصل عملية الفلترة بقي اللي بتكون في مكتب قائد الحرس سابقا طب ايه يعني  فلترة دي بص يعني من الاخر ياخدوا ال 12 المطلوبين علي مزاجهم من ضمن حشود كبيرة جدا متقدمة برضه ع مزاجهم .
طب بيعملوا كدا ازاي يعني بيختاروا اللي ع مزاجهم دول ازاي ؟
حد سمع قبل كدا عن النجاح ف انتخابات بالتزكية او بالتنازل ؟
اكيد اه طبعا.
طب هيقنعوك ازاي تتنازل انا استحالة اعمل كدا ؟
هههههه ياباشا مش بيقنعوك دول بيمضوا باسمك تنازلت انا فلان الفلان تنازلت عن منصبي في اتحاد الطلبة لفلان الفلان او اعلن انا فلان انسحابي من انتخابات الاتحاد وعليه يفوز فلان الفلان وكل دا من غير ما تعرف وياعيني تكون فاكر نفسك عضو اتحاد طلبة وانت اصلا ماضي تنازل لنفسك وانت مش عارف
طب اللي بيفوز دا بيختاروه ازاي طيب
هههههه من هنا بقي جات كلمة عصافير امن الدولة .
هو حد مش عارف ان امن الدولة كان حاشرة مناخيرها في كل حاجة حتي تعيين الدكاترة ف الكلية.
من الاخر تحريات عنك وعن قرايبك لو ليك اي نشاط او حاجة.
طيب ندخل ع امناء اللجان بصوا بصراحة مش كل واحد مسك امين لجنة هيكون عمل اللي هقوله ده اللي هحكيه دا من 3 اشخاص تقريبا كانوا بيعملوه كتير اللي هو ايه بقي ؟
هقعد معاك يامعلم وعارف ان دكتور فلان انت بتكرهه جدا وهقولك دا ابن وابن وتيجي انت سعادتك شاتم اجي انا مسجلك وباعت التسجيل لدكتور فلان ف انزلك من لايحة الاتحاد .
اكتر حد عمل الحركة دي في الناس كان حد اساسا مش بيمسك امين اي لجنة بس هو بيتبرع بكدا زي ما كان هو او هي مش هتفرق اكتر حد بيمضي تنازلات للناس برضه .
وعلي فكرة سجلي مكالمة كنت متضايق فيها من امين لجنة وبشتم وبعتهوله بس عادي مكنتش بتفرق معايا اساسا.
دا بالنسبة للمناصب كانت بتتاخد ازاي.
 طب ايه حوار عصافير وحمام والكلام ده
بصوا بقي من وظايف طلبة الاتحاد ساعة اي مظاهرة هي التصوير اقسم بالله ان مرة مسئول كبير في الاتحاد هو وصاحبه طلبوا مني انا وواحد صاحبي نصور مظاهرة حتي ماكنتش اخوان كانت طلبة عشان حاجات في فلسطين قال ايه عشان بنعمل ارشيف انا صراحة ساعتها مكنتش فاهم لا انا ولا صاحبي جينا مصورين وفاكرين اننا كدا بنعمل اكتيفيتي وبعتناله الصور نتفاجأ بيه بيأخد الصور وطالع لمكتب الحرس طبعا شدينا معاهم واخدنا منهم موبايلاتنا وجالنا صدمة واتضايقنا جدا جدا .
كان طبعا رد الفعل الطبيعي للي بيحصل ده اننا سبنا الاتحاد وما دخلناهوش بعد كدا.
هحكي بقي عن موقف حصلي السنة اللي بعدها بعد ما كنت قولت مش هدخل اتحاد وكدا المو قف ايه بقي ؟
كان في واحد صاحبنا عنده مشكلة او خناقة بمعني اصح ف طلع عند مكتب  قائد الحرس ف بكلمه اسأله انت فين قالي طلعتله لقيته جوا عند سعادة الباشا الظابط وقفت استناه لقيت واحد من سعاة الباشا قائد الحرس بيسلم عليا بحرارة وبيقولي عايزك ف كلمة ع جنب ايه ياريس خير ؟
الكلام كالآتي
هو : في عالم وسخة (سوري ف اللفظ بس دا اللي قاله ) بتوزع ورق كدا اسمه الجمعية مش عارف ايه كدا للتغيير بتاعت البرادعي عميل امريكا الناس دي عايز تخرب البلد لو جبت اسم حد منهم هاتهولي او اديه للباشا .
انا : اه عارفهم ما انا مضيت عليه وكنت عايز اوزع معاهم كمان .
هو : نعم هو انت مش اتحاد طلبة .
انا : لأ انا سبته من اخر السنة اللي فاتت .
هو : طب معلش حصل خير
انا :عادي ولايهمك
هو: طب ممكن لو شفت **** تبعتهولي او للباشا او احسن تجيب رقمه
انا :لو شفته هبعته ان شاء الله بس رقمه مش معايا
هو :شكرا
انا : العفو اي خدمة
هسيبلكم التعليق بقي
 لاحظوا ان الحواد الطويل دا كله ع كلمة عصافير امن دولة مش علي هجص وناس بتقول سرقة ميزانية وشنط وشهادات مؤتمرات ووجبات والهبل دا.
مع ان  دا ما ينكرش ان في حاجات من الاخيرة دي فعلا بتحصل بس اعتقد انها اتفه من اننا نتكلم فيها.

حابب اوجه رسالة لزمايلي بتوع الاتحاد السابق انا اسف اني كتبت الكلام ده بس للأسف ان في شخصيات منكم اضطرتني اني اعمل كدا ودا ما يمنعش ان في منكم ناس محترمة وهم عارفين نفسهم يتعدوا ع صوابع الايد وعارفين رأيي فيهم كويس.
متأسف للجميع ع التطويل ده بس انا والله برضه تعبت ع ما كتبت الحوار ده وخصوصا اني بفتكر حاجات من كذا سنة فاتت وعلي فكرة انا عندي حاجات كتير جدا جدا جدا بس انا مكتبتش غير اللي انا شفته بعيني وحسيته واتصدمت منه  مش نقلا عن كلام اي حد.
ومرة تانية متأسف ع التطويل


2011-03-13

يا نهار ابيض بقى هو دا البرادعى العميل اللى هيحكم مصر يا نهار ابيض

صراحة انا فكرت اكتب الموضوع بنفسى بس لاقيت  ان الكلام اشمل واحسن من اللى انا هقوله انا واخده من كذا حتة بس فى حاجات حشو سبتها  خلينا نبدأ براحة كدا و سيبك يا عم من قصة كفاحه وتاريخه وسيبك من مين شكر فيه وقال دا رجل محترم والحاجات دى وخلينا نتكلم عن الحاجات اللى اتهمه بيه النظام السابق ومؤيديه و خلينا نبدا كدا ب التهم دى اللى هى
 
  1. التهمه الأولى    : دوره فى حرب العراق
  2. التهمه الثانيه     : دوره فى ملف ايران النووى
  3. التهمه الثالثه     : ليس لديه خبرات سياسيه
  4. التهمه الرابعه   : ابنته متزوجه من مسيحى بريطانى وتم عقد القران فى أحد الكنائس ولم تتزوج على الشريغه الاسلاميه
  5. التهمه الخامسه  : أنه يريد الغاء الماده الثانيه من الدستور
  6. التهمه السادسه  : أنه مرشح اسرائيل المفضل كما ذكرت بعض المواقع التى تدار من مقار أمن الدوله
  7. التهمه السابعه   : أنه عميل أمريكا
  8. التهمه الثامنة    : أنه ليس لديه دور فى الشارع ويريد تصدر المشهد والقفز على الثوره
  9. التهمه التاسعه   : ان د.محمد البرادعى متزوج من أجنبية
 
 لو عندك تهمة زيادة ابقى زودها ونتكلم فيها

نبدأ بقى الردود
 

************************************************** ***********************************************

************************************************** ***********************************************

التهمه الأولى: دوره فى حرب العراق

من الاتهامات التي يروجها البعض للدكتور البرادعي هو أنه كان جزءا من المؤامرة الأمريكية للحرب على العراق

وهذه الأدلة المادية على براءة الدكتور البرادعي من هذه تهمة التواطئ مع الحكومة الأمريكية لقتل مئات الآلاف من العراقيين :



"بعد ثلاثة أشهر من التحقيق الشامل والمتواصل فإن الوكالة لم تجد أي مؤشر على قيام العراق بمواصلة برنامجها التسلحي النووي. سنواصل عمليات التحقيق مستفيدين بكافة قرارات مجلس الأمن الخاصة بالتفتيش وكذلك ما لدينا من وسائل تقنية" محمد البرادعي عام 2003 وقبل الحرب على العراق

كلمة البرادعي في مجلس الأمن قبل حرب العراق

شاهد الكلمه بالفيديو والدليل :

http://www.youtube.com/watch?v=AqNtS1iXh_E

http://www.youtube.com/watch?v=VW0FVHDhzJ0

وقال أيضا :

"إنه من الواضح أن هناك تناقصا كبيرا في قدرات العراق الصناعية في مواقعها النووية خلال الأربعة أعوام الماضية بسبب هجرة العديد من الخبرات العراقية ونقص الصيانة وترك الشركات الأجنبية لأعمالها بالعراق" محمد البرادعي

"يمكننا في المرحلة الحالية التأكيد على التالي:

أولا: لا يوجد أي دليل على وجود أي عمليات نووية في جميع المواقع التي تم تفتيشها.

ثانيا: لا يوجد أي دليل على قيام العراق بمحاولة استيراد اليورانيوم منذ عام 1990.

ثالثا: لا يوجد أي دليل على قيام العراق بمحاولة استيراد أنابيب الألومنيوم والتي يمكن استخدامها في تصنيع أسلحة نووية. بالإضافة إلى حتى أنه في حالة قيام العراق باستيراد هذه الأنابيب فقد كانت ستواجه مشكلة تقنية في محاولة الاستفادة منها"



"بعد ثلاثة أشهر من التحقيق الشامل والمتواصل فإن الوكالة لم تجد أي مؤشر على قيام العراق بمواصلة برنامجها التسلحي النووي. سنواصل عمليات التحقيق مستفيدين بكافة قرارات مجلس الأمن الخاصة بالتفتيش وكذلك ما لدينا من وسائل تقنية"



"يجب أن أشير أن العراق أصبحت أكثر تعاونا مع الوكالة بعد الضغوط التي قام بها مجلس الأمن خاصة فيما يتعلق بالمقابلات الشخصية مع المسؤوليين العراقيين. آمل أن تستمر العراق في التعاون معنا."

"لقد كان أول أيام احتلال العراق من أسوأ أيام حياتي" محمد البرادعي

هذا ما قاله البرادعى بعد غزو العراق

http://articles.latimes.com/2005/oct/08/world/fg-peace8



"لقد أخبرنا ديك شيني أنهم مستعدين لتلويث سمعتنا في حالة عدم وصولنا للنتائج التي تبرر الحرب .. وهذا ما حاولوا عمله" هانز بليكس

هانز بليكس وحديثه عن مقابلته والبرادعي لمسؤولي الحكومة الأمريكية إبان بدء عملية التحقيق

http://www.youtube.com/watch?v=CVldccu5RmQ

الحكومة الأمريكية "لا ترغب" في تجديد الفترة الثالثة لرئاسة البرادعي لوكالة الطاقة الذرية

http://online.wsj.com/article/SB110480270275716104.html?mod=googlewsj

الحكومة الأمريكية تراقب هاتف الدكتور البرادعي

خبر من صحيفة الجارديات البريطانية والتي تؤكد أن بوش وحكومته قاموا بمراقبة اتصالات البرادعي مع الحكومة الإيرانية لمحاولة الوصول لأي سبب للتخلص منه. وقد وصفت الصحيفة البرادعي بأنه عدو للحكومة الأمريكية

http://www.guardian.co.uk/world/2004/dec/13/usa.iran

.د يسري ابو شادي يشيد بموقف د.البرادعي من العراق

http://www.youtube.com/watch?v=mcE142QoLzs

البرادعي:أمريكا استخدمت حجة زائفة لغزو العراق

http://www.islammemo.cc/2009/11/03/89678.html

الرجل الذى تغلب على جورج بوش و فاز بجائزة نوبل

The man who took on George Bush and won (the Nobel Peace Prize, that is)

http://www.independent.co.uk/news/world/politics/the-man-who-took-on-george-bush-and-won-the-nobel-peace-prize-that-is-510079.html

جائزة نوبل تصفع سياسة بوش النووية

Nobel Prize Slaps Bush Nuke Policy

http://www.globalpolicy.org/component/content/article/157/27006.html

وفي الوقت الذي رفض فيه الدكتور البرادعي الاشتراك في مؤامرة ضرب العراق وأصر على عدم وجود أسلحة للدمار الشامل رغم ضغوط الأمريكان عليه .. كانت البارجات الأمريكية وحاملات الصواريخ والطائرات تعبر من قناة السويس المصرية وذلك في نفس الوقت الذي رفضت فيه تركيا استخدام مجالها الجوي لعبور الطائرات لضرب العراق

http://www.youtube.com/watch?v=LMSSHvSol34&feature=player_embedded 

************************************************** ***********************************************

************************************************** ***********************************************
التهمه الثانيه: دوره فى ملف ايران النووى

اتهمت الولايات المتحدة البرادعي باتخاذ موقف متخاذل فيما يتعلق بالبرنامج النووى الايرانىإلا أن حيثيات فوزه بجائزة نوبل السلام "لجهوده الحثيثة في الحول دون استخدام التقنيات النووية في الأغراض العسكرية وفي أن تستخدم في الأغراض السلمية بآمن وأسلم الوسائل الممكنة" فنَّدت تلك المزاعم

في مقابلة معه أجرتها قناة سى ان ان فى مايو 2007 أدلى البرادعى بتصريح شاجب للإجراءات العسكرية كحل لما تراه دول أنه أزمة الملف النووي الإيراني، فقال البرادعي ما معناه "لا نريد أن تكون حجة إضافية لبعض 'المجانين الجدد' الذين يريدون أن يقولوا هيا بنا نقصف إيران "

لوموند فى أكتوبر 2007 كما قال في مقابلة مع الصحيفة الفرنسية

"أريد أن أبعد الناس عن فكرة أن إيران ستصبح تهديدا من باكر، أو أننا تحت إلحاح تقرير ما إن كان ينبغي قصف إيران أو السماح لها بأن تحوز القنبلة النووية. لسنا في هذا الموقف. العراق مثل صارخ على أن استخدام القوة، في حالات كثيرة، يضاعف المشكلة بدلا من أن يحلها

كما أنه قال مؤخرا في سنة 2008 "إذا وُجِّهت ضربة عسكرية إلى إيران الآن لن أتمكن من الاستمرار في عملي"، أي أنه سيستقيل بحسب ما ذكر، كما أنه أوضح بأن ضرب إيران سيحيل المنطقة ويحولها إلى كرة لهب"

ويكي ليكس: اسرائيل وامريكا دفعا بان البرادعي كان متساهل مع طهران

http://elbaradei.info/2011/02/10/%d9%88%d9%8a%d9%83%d9%8a-%d9%84%d9%8a%d9%83%d8%b3-%d8%a7%d9%85%d8%b1%d9%8a%d9%83%d8%a7-%d9%88%d8%a7%d8%a7%d9%84%d8%a8%d8%b1%d8%a7%d8%af%d 8%b9%d9%8a-%d9%83%d8%a7%d9%86-%d9%85%d8%aa%d8%b3%d8%a7%d9%87/

إسرائيل تدعو لطرد البرادعي من منصبه بسبب موقفه من ايران

http://www.news.gov.kw/a/50253

البرادعي يحذر "اسرائيل" من شن اي هجوم على ايران

http://www.almanar.com.lb/newsSite/NewsDetails.aspx?id=85821&language=ar

البرادعي : الخطر النووي الإيراني مبالغ فيه والحل من خلال الحوار والمفاوضات

http://arabic.peopledaily.com.cn/31663/6788330.html

بعد إحباطه مؤامرة "كوبرا".. إيران تكافيء البرادعي

http://www.moheet.com/show_files.aspx?fid=313982  

************************************************** *********************************************** ************************************************** *********************************************** 
التهمه الثالثه : ليس لديه خبرات سياسيه
فالبرادعى ليس عالما كيميائيا كما يتصور البعض
محمد البرادعي كان عضوا في البعثة المصرية الدائمة في الأمم المتحدة في 1964 ومساعدا لوزير الخارجية إسماعيل فهمي في 1974 وأستاذا للقانون الدولي في جامعة نيويورك في 1981 ثم رئيسا للوكالة الدولية للطاقة الذرية منذ عام 1997 حتى 2009 .. البرادعي قابل أغلب رؤساه العالم وتفاوض معهم في أحرج أوقات الحروب في هذا العصر وهو معروف بحنكته ومواقفه الشجاعة وقدرته على إدارة السياسة الدولية .. وقد طلب منه أن يكون وزيرا للخارجية المصرية عام 2001 بعد عمرو موسى ولكنه اعتذر. فكيف يتهمه البعض بنقص خبرته السياسية؟ 
 

************************************************** ***********************************************
************************************************** ***********************************************

التهمه الرابعه: ابنته متزوجه من مسيحى بريطانى وتم عقد القران فى أحد الكنائس ولم تتزوج على الشريغه الاسلاميه

ليلي البرادعي- ابنة الدكتور محمد البرادعي مدير الوكالة الدولية للطاقة الذرية السابق- تزوجت علي الشريعة الإسلامية في مقر السفارة المصرية بالنمسا يوم 1 يوليو 2006 وهذا الأمر تؤكده وثائق الأحوال المدنية الموجودة تحت رقم 1123-10 في المركز الرئيسي للمصلحة بالاضافه الى أن شاهدي العقد كانا والدها الدكتور محمد البرادعي، بالإضافة إلي السفير رمزي عزالدين رمزي- سفير مصر في فيينا وقتها- بينما أقيم حفل الزفاف يوم 27-7-2006

http://dostor.org/politics/egypt/10/september/7/27917

************************************************** ***********************************************
************************************************** *********************************************** 
التهمه الخامسة: أنه يريد الغاء الماده الثانيه من الدستور
وهذه التهمه غير صحيحه فالدكتور البرادعى يؤمن بوسطيه الاسلام وأن الاسلام دين الرحمه والتسامح وأن تطبيق الشريعه الاسلاميه لا يتنافى أبدا مع مدنيه الدوله التى يدعو لها

الدكتور البرادعي ضد الغاء الماده الثانيه من الدستور

http://www.facebook.com/video/video.php?v=140073046034527

************************************************** ***********************************************
************************************************** *********************************************** 
التهمه السادسة: أنه مرشح اسرائيل المفضل كما ذكرت بعض المواقع التى تدار من مقار أمن الدوله
هذه بعض الدلائل على رعب اسرائيل من وصول البرادعى لسده الحكم فى مصر ومسندات حول طبيعه العلاقه بينه وبين الكيان الصهيونى
 
البرادعي يرفض الحوار مع بي.بي.سي لرفضها بث نداء غزة

http://www.aljazeera.net/News/archive/archive?ArchiveId=1168009

http://www.aljazeera.net/NR/exeres/84E69946-CCD2-4377-8077-5860D921713A.htm

تلاسن بين البرادعي ومندوب إسرائيل في اجتماع محافظي الوكالة الذرية

http://www.aawsat.com/details.asp?section=4&issueno=11161&article=524028

إسرائيل تدعو لطرد البرادعي من منصبه بسبب موقفه من ايران

http://www.news.gov.kw/a/50253

البرادعي: سلام مصر المنفرد مع إسرائيل من الأخطاء الكبرى

http://www.al-khayma.com/NR/exeres/02C81F82-0517-4523-A679-AD18B4F85920.htm

البرادعي يحذر "اسرائيل" من شن اي هجوم على ايران

http://www.almanar.com.lb/newsSite/NewsDetails.aspx?id=85821&language=ar

البرادعي يطالب إسرائيل بالتخلي عن أسلحة الدمار الشامل في إطار ترتيبات أمنية وسلمية بالشرق الأوسط

http://www.aawsat.com/details.asp?section=4&article=225170&issueno=9249

البرادعى : اسرائيل الخطر النووى رقم واحد فى الشرق الأوسط

ElBaradei says nuclear Israel number one threat to Mideast: report

http://news.xinhuanet.com/english/2009-10/04/content_12181647.htm

صحيفة هارتس الصهيونية :كيف خدع البرادعى العالم فى برنامج ايران النووى

How ElBaradei misled the world about Iran's nuclear program

http://www.haaretz.com/print-edition/features/how-elbaradei-misled-the-world-about-iran-s-nuclear-program-1.2900

القاهرة تهاجم إسرائيل وتحذرها من التدخل في عمل البرادعي

http://www.lahona.com/show_news.aspx?nid=58384&pg=13

حملة إسرائيلية شرسة وغير مسبوقة ضد البرادعي

http://www.lahona.com/show_news.aspx?nid=51243&pg=13

ايران تندد بالحملة الاسرائيلية ضد البرادعى

http://www.lahona.com/show_news.aspx?nid=52580&pg=13

حملة إسرائيلية مغرضة على البرادعي وموفاز يدعو من واشنطن إلى طرده!

http://www.alriyadh.com/2007/11/09/article292784.html

إسرائيل تطالب بطرد محمد البرادعي من الوكالة الدولية للطاقة الذرية

http://www.almasry-alyoum.com/article2.aspx?ArticleID=82362

************************************************** ***********************************************
************************************************** *********************************************** 
التهمه السابعة: أنه عميل أمريكا
 
البرادعي:أمريكا استخدمت حجة زائفة لغزو العراق

http://www.islammemo.cc/2009/11/03/89678.html

الرجل الذى تغلب على جورج بوش و فاز بجائزة نوبل

The man who took on George Bush and won (the Nobel Peace Prize, that is)

http://www.independent.co.uk/news/world/politics/the-man-who-took-on-george-bush-and-won-the-nobel-peace-prize-that-is-510079.html

جائزة نوبل تصفع سياسة بوش النووية

Nobel Prize Slaps Bush Nuke Policy

http://www.globalpolicy.org/component/content/article/157/27006.html

فرنسا وامريكا ترفضان تصريحات البرادعي بشأن النووي الايراني

http://www.lahona.com/show_news.aspx?nid=47736&pg=13

رايس تهاجم البرادعي وتطالبه بعدم التدخل في السياسة

http://www.lahona.com/show_news.aspx?nid=32356&pg=13

البرادعي يرفض المطالب الأمريكية بسرعة التحقيق في ملف سوريا النووي

http://www.almasry-alyoum.com/article.aspx?ArticleID=180154

محاولات أمريكية لإبعاد البرادعي عن منصبه

http://www.lahona.com/show_news.aspx?nid=28346&pg=13

ويكليكس : واشنطن فشلت فى تشويه صوره البرادعى

http://dostor.org/politics/egypt/10/november/30/32569

 
************************************************** ***********************************************
************************************************** *********************************************** 

التهمه الثامنة : أنه ليس لديه دور فى الشارع ويريد تصدر المشهد والقفز على الثوره

هل تعلم أن البرادعى وحملته جمعوا حوالى مليون توقيع على بيان التغيير بمشاركه مختلف القوى السياسيه وأن هذه التوقيعات خاصه الورقيه ساهمت فى نشر أفكار التغيير وكسر حاجز الخوف لدى قطاعات واسعه من الشعب المصرى
هل تعلم أن حمله البرادعى هى هى أكبر مجموعه شبابيه دعت ونظمت ليوم 25 يناير الى جانب حركه 6 ابريل
هل تعلم أن كل من يتحدث الآن من أحزاب أو جماعات أو شخصيات مشهوره ومرشحه لانتخابات الرئاسه معظم هؤلاء قالوا يوم 25 أن هذه حركه تخريبيه وانهم قله وبعضهم الأكثر احتراما صمت ولم يتحدث بينما دعا الدكتور البرادعى الشعب المصرى للاستجابه لنداء الشباب والخروج فى مظاهرات 25 يناير ونشر ذلك عبر اليوتيوب لأنه ممنوع من كل الفضائيات المصريه حتى من تتدعى الاستقلاليه منها!!!
لا ينكر دور البرادعى فى ثوره 25 يناير اما جاحد أو مغرض فهو الذى أوجد منذ عودته للقاهره فى 2010 حراكا سياسيا فى الشارع لم يشهد له مثيل وهو الذى عارض مبارك فى أوجه جبروته وطغيانه بعكس الآخرين الذين قالوا أنهم لن يترشحوا فى انتخابات الرئاسه مادام مبارك موجود وآخرين صمتوا على الفساد عقودا من الزمن
ويحسب أيضا للدكتور البرادعى فور عودته من السفر يوم 27 نزل المظاهرات فى اليوم التالى وهو جمعه الغضب 28 يناير
أيضا أثناء الثوره فضل البرادعى وحاول أن يختفى عن صداره المشهد تاركا للشباب القياده وهو من خلفهم
ويحسب له أيضا أنه الوحيد الذى أصر على موقفه وحافظ على مطالب الشعب ورفض التفاوض مع النظام البائد مطالبا برحيل مبارك ونظامه أولا قبل أى تفاوض فى حين أن كل القولى السياسيه الأخرى أحزاب واخوان سارعوا بل هرولوا لمائده المفاوضات
واليكم بعض المستندات على ذلك

http://dostor.org/politics/egypt/11/january/21/35483

http://elbadil.net/%D8%AD%D9%85%D9%84%D8%A9-%D8%AF%D8%B9%D9%85-%D8%A7%D9%84%D8%A8%D8%B1%D8%A7%D8%AF%D8%B9%D9%8A-%D8%AA%D8%B2%D9%8A%D9%84-%D8%B5%D9%88%D8%B1%D8%AA%D9%87-%D9%88%D8%AA%D8%B6%D8%B9-%D8%B5%D9%88%D8%B1%D8%A9/

http://www.hanein.info/vb/showthread.php?t=218696&page=1

http://helwan1.blogspot.com/2011/01/blog-post_3321.html

http://dostor.org/politics/egypt/11/january/24/35683

http://puk-maroc.blogspot.com/2011/02/blog-post_2008.html

http://news.maktoob.com/article/5992794/%D8%A7%D9%84%D8%A8%D8%B1%D8%A7%D8%AF%D8%B9%D9%8A-%D9%8A%D9%86%D8%AA%D9%82%D8%AF-%D8%A7%D9%84%D8%AD%D9%88%D8%A7%D8%B1

http://www.alwafd.org/index.php?option=com_content&view=article&id=14244 %3A%D8%B3%D9%84%D9%8A%D9%85%D8%A7%D9%86-%D9%8A%D8%A8%D8%AF%D8%A3-%D8%A7%D9%84%D8%AD%D9%88%D8%A7%D8%B1-%D9%88%D8%A7%D9%84%D8%A8%D8%B1%D8%A7%D8%AF%D8%B9%D 9%8A-%D9%8A%D8%B1%D9%81%D8%B6&catid=150%3A%D8%AB%D9%88% D8%B1%D8%A9+%D8%A7%D9%84%D8%BA%D8%B6%D8%A8&Itemid= 409


************************************************** ***********************************************
************************************************** *********************************************** 


التهمه التاسعة : ان د.محمد البرادعى متزوج من أجنبية

نقطة ضوء على زوجة دكتور البرادعى ((المصرية)) عايدة الكاشف
نشأت عايدة الكاشف فى بيت يدافع عن حقوق الإنسان، فهى ابنة لنقيب محامين، تعلمت فى مدرسة الجزيرة التجريبية، ومدرسة
بورسعيد، ثم تخرجت فى الجامعة الأمريكية، علوم سياسية

نشأت عايدة الكاشف فى بيت يدافع عن حقوق الإنسان، فهى ابنة لنقيب محامين، تعلمت فى مدرسة الجزيرة التجريبية، ومدرسة بورسعيد، ثم تخرجت فى الجامعة الأمريكية، علوم سياسية، ومن ثم يبدو طبيعيا، أن تقف إلى جوار زوجها وتسانده.

قابلت الكاشف زوجها بالمصادفة، فى فرح محمد رياض. كان رياض موظفا فى وزارة الخارجية، وصديقا للبرادعى. كانت أيضا ابنة رياض من زوجته الأولى، أقرب صديقة لها.
«فقد قابلت محمد فى حفل الاستقبال فى النادى الدبلوماسى، لنتشارك من أول لقاء فى الأفكار والاهتمامات الخاصة»، كما جاء على لسان الكاشف مشيرة إلى أنه لم يمض عام واحد، حتى تزوجا لتبدأ مشوار حياتها مع محمد وتشاركه فى المحطات المختلفة له.

تزوج البرادعى من عايدة الكاشف عام 1975، لترحل معه إلى جنيف بحكم وظيفته بعد عامين ونصف العام فقط من زواجهما. تركت عالمها، وبلدها، وعملها دون أن تشعر بأى ندم، رغم صعوبة الاختيار، «الأمر لم يكن سهلا، ولكن فرحة الزواج، والحياة الجديدة التى عشتها، فتحت عينى على نوعية معيشة مختلفة وجديدة. فهذه أول مرة أتعرض فيها للحياة الدبلوماسية، وأول مرة أعيش فى الخارج، بالإضافة إلى أننى كنت صغيرة جدا، فكان السفر بالنسبة لى تجربة تعليمية مختلفة»

http://www.shorouknews.com/ContentData.aspx?id=199662



الاكثر قراءة

ShareThis